Este martes, o Goberno aprobou o Plan Estratéxico 2025-2027 da Inspección de Traballo e Seguridade Social. Esta folla de ruta para o futuro do organismo supón un aumento do persoal de Inspectores e Subinspectores de traballo, así como do Persoal Técnico e Administrativo.
Ademais, tamén leva aparellado un maior investimento en melloras tecnolóxicas para facer da ITSS unha institución moderna, transparente e máis próxima á cidadanía. Como exemplo desta modernización crearase unha nova sede electrónica para facilitar a relación cos cidadáns.
O documento aprobado estrutúrase en dous eixos que conteñen 17 obxectivos. O primeiro destes eixos céntrase na actividade inspectora e define un total de 10 obxectivos que abarcan as relacións laborais individuais e colectivas, a garantía do dereito á seguridade e saúde no traballo, así como a igualdade e non discriminación ou o obxectivo de aflorar o emprego sen dereitos.
O segundo eixo identifica as medidas estruturais, organizativas e operativas que pretenden facer da ITSS un servizo público eficaz, cuxa metodoloxía é cada vez máis solicitada por organismos similares doutros países europeos.
En definitiva, o Plan Estratéxico 2025-2027 reforza á ITSS para que esta siga prestando o servizo público que ten encomendado: garantir o cumprimento das normas de orde social e o respecto dos dereitos das persoas traballadoras.
